Михаил Кавелашвили Грузия президенті болып сайланды
Жарияланған күні:
"Грузинская мечта – Демократическая Грузия" партиясы ұсынған жалғыз кандидат Михаил Кавелашвилиді 300 сайлаушының 224-і қолдады. Бұл туралы KAZ.NUR.KZ хабарлайды.
РИА Новости агенттігінің мәліметінше, Грузияның президенті болып биліктегі "Грузинская мечта – Демократическая Грузия" партиясының кандидаты Михаил Кавелашвили қажет дауыс жинады.
"Грузия президенті болып Михаил Кавелашвили сайланды", - деді елдегі Орталық сайлау комиссиясының төрағасы Георгий Каландаришвили.
Ел тарихында алғаш рет президентті сайлау сайлаушылар емес, сайлаушылар коллегиясының дауысымен өтті.
РБК хабарлауынша, Михаил Кавелашвили - бұрынғы футболшы, Грузия құрамасының шабуылшысы және Тбилиси "Динамосының" құрамында ел чемпионаттарының бірнеше дүркін жеңімпазы. 2016 жылы спортшы "Грузинская мечта – Демократическая Грузия" партиясынан парламентке өтті.
Мақаланың түпнұсқасы: https://kaz.nur.kz/world/2200605-mihail-kavelashvili-gruziia-prezidenti-bolyp-sailandy/
