Калифорнияда өрт шарпыған Hollywood символы көрсетілген суретті жергілікті тұрғындар жалған деп атады

X әлеуметтік желісінің қолданушылары Лос-Анджелесте өртеніп жатқан Hollywood символының осыған дейін тараған суреттері жалған деген ақпарат таратып жатыр.

Әлеуметтік желі қолданушыларының айтуынша, жанып тұрған Hollywood белгісі бар сурет жалған. Олар өрт болған сол маңның қазіргі фотосуреттерін бөлісті.

"Жақын жерде жаңа өрт шыққанымен Hollywood деген жазу жанып жатқан жоқ. Желіде пабликтер мен парақшалар ЖИ арқылы жасалған жалған суреттермен бөлісіп жатыр, олай емес. Міне, қазіргі уақыттағы Hollywood белгісінің фотосы", - делінген жазбада.

"Hollywood жанып жатқан белгісінің жалған суреті тарап жатыр. Оған мән бермеңіздер", - деп жазады әлеуметтік желісінің тағы бір қолданушысы.

"Бұл фото жалған, Голливуд белгісі өрт болған жердің жанында орналасқан. Камерадан тікелей трансляция: hollywoodsign.org/webcam", - делінген хабарламада.

Естеріңізге сала кетейік, АҚШ-тың Калифорния штатында 7 қаңтардан бері орман өртеніп жатыр. Қазіргі уақытта бес адам қаза тапқаны белгілі болды.

Мәтіннен қате тапсаңыз, бізге жазыңыз