Таиландта әуежайлар жұмысын тоқтатты

Таиландта әуежайлар бүгін болған жойқын жер сілкінісіне байланысты жұмысын тоқтатты. Қазіргі уақытта әуе айлақтары рейстерді қабылдамай жатыр және ол жақтан ұшуға тыйым салынды.

Таиланд әуежайлары оқиғаға байланысты жұмысын тоқтату туралы шешім қабылдады, деп хабарлайды РИА Новости жергілікті БАҚ-қа сілтеме жасап.

"Авиациялық реттеуші Таиландтың барлық әуежайында ұшуға тыйым салу туралы жалпыұлттық бұйрық шығарды", - делінген хабарламада.

Еске сала кетейік, бүгін Мьянманың орталық бөлігінде магнитудасы 7,7 болатын жойқын жер сілкінісі болды, осыдан кейін тағы магнитудасы 6,4 болатын дүмпу болған.

Жер сілкінісінің әсері Таиландқа да жетті - Бангкокте үрейленген жүздеген адам көшеде жүр, көптеген ғимараттан адамдар эвакуацияланды.

Жойқын жер сілкінісі салдарынан салынып жатқан көпқабатты ғимарат құлады – оның опырылған сәті видеоға түсіп қалған.

Сонымен қатар елде жер сілкінісінің қайталану қаупі туралы ескерту жасалды.