Оңтүстік Корея президенті Юн Сок Ель қызметінен біржола шеттетілді

Оңтүстік Корея президенті Юн Сок Елдің елде әскери жағдай жариялау әрекеті сәтсіз аяқталғаннан кейін төрт ай өткен соң Конституциялық сот оның импичментін қолдап, мемлекет басшысы қызметінен біржола шеттетті.

Сегіз судьядан тұратын сот алқасы үкімде президент өз шешімімен Конституцияға, сондай-ақ заң үстемдігі мен демократия принциптеріне қайшы келді деп мәлімдеді.

Енді елде 60 күн ішінде жаңа президент сайлануы керек.

Былтыр желтоқсанда Юн елде әскери жағдай жариялауға тырысщқан. Осыдан кейін парламент оны бүлік шығаруға әрекет жасады деп айыптап, мемлекет басшысына импичмент жариялады.

Ол қызметінен уақытша шеттетілді, бірақ оны қызметінен алу үшін Конституциялық соттың шешімі қажет болды. Бүгінге дейін Юн Сок Ель ресми түрде Оңтүстік Кореяның президенті болып қалды.

Ол бүлік шығаруға әрекеттенді деген айыппен келіскен жоқ және "саяси есеппен жасалған шешімі" Юннің пікірі бойынша үкімет жұмысына кедергі келтіріп отырған оппозициядан мемлекетті қорғау үшін қабылданғанын айтты.

Оның адвокаттары Конституциялық сотта өткен сот процесі "заңға сай емес және әділетсіз болды" деп мәлімдеді.

"Нәтижесі – заңды тұрғыдан біз мүлдем түсінбейтін нәрсе" - деді ол сот шешімі шыққаннан кейін журналистерге. Оның сөзінше, ол бұл саяси шешімге өкінеді.

Оңтүстік Корея полициясы сот отырысы басталмай тұрып Сеул көшелеріне шыққан Юнның жақтастары мен қарсыластары арасындағы қақтығыстың алдын алу үшін "барлық ресурсты жұмылдырғанын" мәлімдеді.

Конституциялық сот судьялары да қосымша күзетпен қамтамасыз етілген.