Бангладеште оқу-жаттығу ұшағы мектеп пен колледж ғимаратына құлады (фото, видео)

Бангладеш астанасы Даккадағы мектеп пен колледждің кампусына оқу-жаттығу ұшағы құлады. Алдын ала мәлімет бойынша, бір адам көз жұмып, төрт адам жараланған, деп хабарлайды NDTV арнасына сілтеме жасаған KAZ.NUR.KZ.

Басылымның мәліметінше, ұшақ 21 шілде, күндізгі уақытта құлаған. Ұшақ Дакканың Уттара ауданында орналасқан Milestone мектебі мен колледжінің кампусына құлады. Апат кезінде білім ошағында балалар болғаны айтылады.

Бангладеш армиясының баспасөз қызметі қысқаша мәлімдеме жасап, елдің әуе күштеріне тиесілі F-7 BGI оқу-жаттығуға арналған ұшағы апатқа ұшырағанын растады.

Өрт күзеті қызметінің өкілі Лима Хан кем дегенде бір адам қаза тауып, тағы төрт адам жараланғанын хабарлады.

Ескерту! Видеолар мен фотоларды кәмелетке толмағандарға, психикасы тұрақсыз адамдарға және жүкті әйелдерге көруді ұсынбаймыз!

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз