Трамп Қазақстанға және бірқатар елге баж салығын енгізу туралы жарлыққа қол қойды

АҚШ президенті Дональд Трамп ондаған елге импорттық баж салығын енгізу туралы жарлыққа қол қойды. Бұл тізімде Қазақстан да бар, деп хабарлайды Ақ үйдің ресми сайтына сілтеме жасаған KAZ.NUR.KZ.

CNN-нің хабарлауынша, тарифтер 1 тамызға – Трамп АҚШ-пен сауда келісімін жасасу үшін басқа елдерге берген мерзім аяқталғанға дейін жарияланған.

Bloomberg Трамп әкімшілігінің қызметкеріне сілтеме жасап тарифтер үш топқа бөлінгенін жазды:

• 10 пайыз – АҚШ-пен тауар саудасында оң сальдосы бар елдерге;
• шамамен 15 пайыз – АҚШ-пен келісім жасалған немесе АҚШ-пен тауар саудасында шағын тапшылық бар елдерге қатысты;
• 15 пайыз және одан жоғары көрсеткіш АҚШ-пен келісім жасалмаған және АҚШ-пен тауар саудасында үлкен тапшылығы бар елдерге қатысты.

Ақ үйдің сайтында баж салығы енгізілген елдердің тізімі жарияланды. Бұл тізім бойынша Қазақстанға 25 пайыздық тарифтер енгізілген.

Ең жоғарғы мөлшерлеме Сирия (41 пайыз), Лаос, Мьянма (40 пайыз), Швейцария (39 пайыз), Ирак, Сербия (35 пайыз), Алжир, Босния және Герцеговина, Ливия және Оңтүстік Африка Республикасына (30 пайыз) қатысты.

Мәтіннен қате тапсаңыз, бізге жазыңыз