Әзербайжан Арменияға жүк тасымалдауға қойылған барлық шектеуді алып тастады

Опубликовано:21 қазан 2025, 18:10

Әзербайжан президенті Ильхам Әлиев Қазақстанға мемлекеттік сапары барысында Арменияға жүк тасымалдауға қойылған барлық шектеудің жойылғанын мәлімдеді, деп хабарлайды Ақордаға сілтеме жасаған KAZ.NUR.KZ.

"Әзербайжан оккупация басталған мезеттен бергі Арменияға жүк тасымалдауға қойылған шектеудің бәрін алып тастады. Арменияға алғашқы жүк транзиті ретінде қазақстандық бидай жіберілді. Бұл Әзербайжан мен Армения арасындағы бейбітшілік қағаз жүзінде қалмай, нақты орнағанын көрсететін жарқын мысал", - деді Ильхам Әлиев.

Естеріңізге сала кетейік, кеше Әзербайжан президенті Қазақстанға мемлекеттік сапармен келді. Мәртебелі мейманды Қасым-Жомарт Тоқаев Астана әуежайынан күтіп алды.

Мемлекет басшысы Әзербайжан президенті Ильхам Әлиевпен келіссөз жүргізді.

Мәтіннен қате тапсаңыз, бізге жазыңыз