Трамп Мадуро мен оның әйелі тұтқынға алынып, елден эвакуацияланғанын мәлімдеді

АҚШ президенті Дональд Трамп бүгін Венесуэлада жасалған АҚШ шабуылдарына қатысты пікір білдірді, деп хабарлайды KAZ.NUR.KZ. Жазба Truth Social-да жарияланды.

"Америка Құрама Штаттары Венесуэлаға және оның көшбасшысы, президент Николас Мадуроға қарсы кең ауқымды шабуылды сәтті жүзеге асырды, ол тұтқынға алынып, әйелімен бірге елден эвакуацияланды.

Бұл операция АҚШ құқық қорғау органдарымен бірлесіп жүргізілді. Толық ақпарат кейінірек жарияланады. Бүгін сағат 11:00-де Мар-а-Лагода баспасөз мәслихаты өтеді. Бұл мәселеге назар аударғандарыңызға рахмет!" - делінген хабарламада.

Бұған дейін Венесуэла президенті Николас Мадуроның АҚШ шабуылдарынан кейін қайда кеткені белгісіз екені хабарланған болатын.

Еске салсақ, Каракаста кем дегенде жеті жарылыс естіліп, қаланың бір бөлігі жарықсыз қалған болатын – жарылыс дыбыстары қаланың әр түрлі бөліктерінде, сондай-ақ Майкетиядағы Симон Боливар әуежайында және Ла-Гуайра портында естілді.

Кейінірек Колумбия президенті Густаво Петро АҚШ-ты Венесуэланы бомбалады деп айыптап, БҰҰ-ның шұғыл отырысын өткізуге шақырды.

Венесуэла президенті Николас Мадуро кешенді ұлттық қорғаныс жүйесін дереу іске қосуды және ұлттық күштерді жұмылдыруды бұйырды. Елде төтенше жағдай жарияланды.

Мәтіннен қате тапсаңыз, бізге жазыңыз