Трамп Иранмен бизнес жүргізетін елдерге 25 пайыздық баж салығы салынатынын айтты

АҚШ президенті Дональд Трамп Иранмен ынтымақтастық жасайтын елдерге жаңа баж салығы енгізілгенін мәлімдеді. Ол бұл туралы Truth Social желісінде жазды, деп хабарлайды KAZ.NUR.KZ.

"Дереу күшіне енеді: Иран Ислам Республикасымен бизнес жүргізетін кез келген елдің Америка Құрама Штаттарымен жүргізілетін кез келген барлық бизнесіне 25 пайыз салық салынады. Бұл бұйрық түпкілікті және орындалуға міндетті", - деп жазды Ақ үй басшысы.

Естеріңізге сала кетейік, Иран халқы 2025 жылдың 28 желтоқсанында бағалардың өсуіне наразылық білдіріп, жаппай көшеге шығуда, бұл – соңғы жылдардағы ең ірі наразылық болып есептеледі.

Осыған байланысты АҚШ президенті Дональд Трамп Иран билігін наразылық білдірушілерге көмекке келуге дайын екендігі туралы ескертті.

Иранның БҰҰ-дағы тұрақты өкілі Америка Құрама Штаттарын елде тәртіпсіздіктер тудырды деп айыптап, наразылықты Америка Құрама Штаттары мен Израиль үйлестіріп отырғанын мәлімдеді. Сондай-ақ Иран билігі Израиль мен Америка Құрама Штаттарына Тегеранға агрессия көрсетуіне жол бермейтіні туралы ескерту жасады.

Мәтіннен қате тапсаңыз, бізге жазыңыз