АҚШ-та шетел азаматтарына берілген 100 мыңнан астам визаның күші жойылды

АҚШ Мемлекеттік департаменті Дональд Трамптың президенттігі кезінде АҚШ-та 100 000-нан астам визаның күші жойылғанын хабарлады. Бұл – рекордтық көрсеткіш, деп хабарлайды KAZ.NUR.KZ Newsweek-ке сілтеме жасап.

АҚШ Мемлекеттік департаментінің мәліметі бойынша, Трамп әкімшілігі бір жылдан аз уақыт ішінде 100 000-нан астам визаны қайтарып алды.

"Бұл ұрлық, шабуыл және мас күйде көлік жүргізу сияқты қылмысы үшін айыпталған немесе сотталған мыңдаған шетел азаматының визаларын қайтарып алуды қамтиды", - деді Мемлекеттік департаменттің баспасөз хатшысының орынбасары Томми Пиготт.

Басылымның мәліметінше, 2025 жылы күші жойылған визалар саны рекордтық көрсеткішке жетті және 2024 жылы президент Джо Байденнің тұсында күшін жойған визалар санынан екі есе көп.

Мәтіннен қате тапсаңыз, бізге жазыңыз