Ақ үй Гренландия картасына қарап тұрған Трамптың фотосын жариялады

Ақ үйдің баспасөз қызметі Х желісінде Гренландия картасына терезеден қарап тұрған АҚШ президенті Дональд Трамптың суретін жариялады, деп хабарлайды KAZ.NUR.KZ.

Фотодан Ақ үй ғимаратының терезесі, ал әйнектен Гренландия картасы көрінеді. Костюм киген Трамп суретке теріс қарап түскен, ол терезеден картаға қарап тұр. Суретте вице-президент Дж.Д. Вэнстің сұлбасы да көрінеді.

"Жағдайды бақылап отыру үшін басыңыз" - делінген жазбаның сипаттамасында.

Айта кетейік, бүгін Республикалық партияның мүшесі Рэнди Файн Конгреске Гренландияны Америка Құрама Штаттарына қосу туралы заң жобасын ұсынды.

Ал күні кеше АҚШ-тың Гренландия бойынша арнайы елшісі Джефф Ландри Екінші дүниежүзілік соғыстан кейін Дания Гренландияны "басып алғанын" мәлімдеді.

Tap to monitor the situation. pic.twitter.com/eMCwc6sE3e

— The White House (@WhiteHouse) January 13, 2026

Мәтіннен қате тапсаңыз, бізге жазыңыз