Әлемде тағы бір ел балаларға әлеуметтік желіні қолдануға тыйым салуды қарастырып жатыр

Ұлыбритания үкіметі кәмелетке толмағандарға әлеуметтік желіні қолдануға тыйым салуды көздеп отыр. Олар Австралияның осы тәжірибесін қайталап көрмек, деп хабарлайды KAZ.NUR.KZ DW-ге сілтеме жасап.

Ұлыбритания Министрлер кабинетінің хабарлауынша, билік қазіргі уақытта ғаламторда балаларды қорғаудың түрлі нұсқаларын қарастырып жатыр, соның ішінде кәмелетке толмағандарға әлеуметтік желіні пайдалануға тыйым салу және мектептерде ұялы телефондарды қолдануға қатысты қатаң нұсқаулар бар.

Ғылым, инновациялар және технологиялар министрі Лиз Кендаллдың сөзінше, қолданыстағы заңдар осы саланы реттеу бойынша соңғы шешім болып қалмайды.

"Сондықтан мен одан әрі де шаралар қабылдауға дайынмын", - деді ол.

Үкімет министрлерді балаларға әлеуметтік желіні қолдануға тыйым салған Австралияға жіберуді жоспарлап отыр.

Айта кетейік, Ұлыбритания балаларға желіні қолдануға тыйым салуды қарастырып отырған Еуропадағы жалғыз ел емес. Дания бұған дейін 15 жасқа толмаған балаларға әлеуметтік желіні пайдалануға тыйым салу жоспарын жариялаған болатын. Франция да осындай шараларды қарастырып жатқанын мәлімдеді.

Еурокомиссия еуропалық деңгейде жақында YouTube және Snapchat сияқты платформалардың кәмелетке толмағандарды қорғауға арналған Сандық қызметтер туралы заңның (DSA) талаптарына сәйкес-сәйкес еместігін қарастыратынын мәлім етті.

Мәтіннен қате тапсаңыз, бізге жазыңыз