Қырғызстан әуежайларында Нипах вирусына байланысты қауіпсіздік шаралары күшейтілді

Қырғызстанның денсаулық сақтау министрі Қаныбек Досмамбетов Нипах вирусына байланысты елде санитариялық-карантиндік бақылау мен алдын алу шаралары күшейтілгенін мәлімдеді, деп хабарлайды KAZ.NUR.KZ 24.kg сайтына сілтеме жасап.

Қырғызстан Жоғарғы кеңесінің отырысында депутат Медина Қайрылбекова елдің Денсаулық сақтау министрлігінің басшысынан Нипах вирусының таралуымен күресу үшін министрлер кабинеті қандай шаралар қабылдап жатқанын сұрады.

Денсаулық сақтау министрі Қаныбек Досмамбетов жағдайдың бақылауда екенін айтты.

"Қырғызстан санитариялық-карантиндік бақылау мен алдын алу шараларын күшейтті. Жұқтыру жағдайлары тіркелген Үндістаннан келген жолаушыларға ерекше назар аударылуда.

Ел президенті өз қорынан Ош, Қаракөл және Тамшы қалаларындағы барлық халықаралық әуежайға автоматты, стационарлық тепловизор орнатуға қаражат бөлді. Қазіргі уақытта мұндай тепловизор тек "Манас" әуежайында ғана бар. Жағдайды ушықтырудың қажеті жоқ. Бұл вирус COVID сияқты ауа тамшылары арқылы емес, физикалық байланыс арқылы таралады", - деді ол.

Мәтіннен қате тапсаңыз, бізге жазыңыз