Нигерияда жол апатынан кем дегенде 30 адам мерт болды

Нигерияның солтүстігінде болған жол-көлік оқиғасынан кем дегенде 30 адам қаза тапты, жарақат алғандар да бар, деп хабарлайды жергілікті Daily Post басылымына сілтеме жасаған KAZ.NUR.KZ.

Басылымның жазуынша, Гуджунгуға бара жатқан трейлер (тіркеме – ред. ескертпесі) жүргізушінің абайсыздығынан жол апатына ұшыраған.

Салдарынан кемінде 30 адам қаза болып, көптеген адам жарақат алған.

Штат губернаторы Алхаджи Юсуф қаза тапқандардың отбасыларына көңіл айтқан.

Сондай-ақ ол Кано штатының Денсаулық сақтау министрлігіне жол апатынан зардап шеккен адамның барлығына тегін және тиісті медициналық көмекті дер кезінде көрсетуді тапсырған.

Мәтіннен қате тапсаңыз, бізге жазыңыз