Канада мектебінде атыс болды: 10 адам қаза тауып, бірнеше адам жараланған
Опубликовано:
Читать на русском
Канаданың Тамблер-Ридж қаласындағы мектепте атыс болып, бірнеше адам қаза тапты, жарақат алғандар бар. Полиция 10 адамның көз жұмғанын растады, деп хабарлайды KAZ.NUR.KZ CBC-ге сілтеме жасап.
Канадалық басылымның хабарлауынша, орта мектептің ішінде алты адамның денесі табылды, бір адам ауруханаға бара жатқан жолда қайтыс болды, ал тағы екі адамның денесі тұрғын үй ғимаратынан табылды. Тергеушілер мектептегі және тұрғын үй ғимаратындағы оқиғалар бір-бірімен байланысты деп санайды.
Күдікті мектеп ішінде де өлі күйінде табылды – полицияның болжамы бойынша, ол өзін-өзі атып өлтірген болуы мүмкін.
Ауыр жарақат алған екі адам тікұшақпен ауруханаға жеткізілді.
Сондай-ақ жергілікті медициналық орталықта жарақат алған 25 адам дәрігерлердің тексеруінен өтіп жатыр. Оқиға орнынан шамамен 100 адам эвакуацияланды.
Полиция қастандық жасады деген күдіктінің жасы нешеде екенін тергеу мүддесіне сәйкес жариялаған жоқ.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2342106-kanada-mektebinde-atys-boldy-10-adam-qaza-tauyp-birneshe-adam-zharalangan/