Top.Mail.Ru

Сайт нұсқасы

ru kz

Зектілері

Нұр-Сұлтанда қаза болған автобус жүргізушісінің артында төрт баласы қалды

Опубликовано:

Нұр-Сұлтанда үш қоғамдық көліктің соқтығысуынан қайтыс болған автобус жүргізушінің артында төрт баласы қалған. Әріптестері оның адал, жауапкершілігі мол қызметкер болғанын айтты. Ер адам №1 автопаркте жұмыс істеген уақыт аралығында бірде-бір жол көлік оқиғасына ұшырамаған деп хабарлайды KAZ.NUR.KZ.

Нұр-Сұлтанда жантүршігер жол апатынан қаза болған жүргізушінің артында төрт баласы қалды
Фото: NUR.KZ: Original

Нұр-Сұлтандағы ірі жол апатынан қайтыс болған жолаушы жалғыз басты ана болған>>>

Автобус апатынан аман қалған астаналық жігіт оқиғаны баяндап берді>>>

Нұр-Сұлтандағы үш бірдей автобус апаты: Қала әкімі оқиға орнына келді>>>

Нұр-Сұлтан әкімдігі автобус апатында қайтыс болғандар туралы ақпарат берді>>>

Автопарк өкілдері, қаза болған жүргізуші Абай Оспановтың үлкен отбасы болғанын, артында төрт баласы қалғанын жеткізді. Оның үшеуі кәмелет жасқа толмаған.

Абай Оспанов 1966 жылы дүниеге келген, жасы 53-те болған. Ер адамның көлік жүргізу өтілі сегіз жыл сегіз ай. №1 автопаркте 2017 жылдың желтоқсанынан бері жұмыс істеген.

Автопарк басшылығы зардап шеккендер мен қаза болғандардың отбасына көңіл айтты.

"Бүгін қайтыс болған жүргізушінің отбасына барып, қайттық. Оның төрт баласы бар. Кәмелет жасқа толған ұлы бар, қалған үшеуі оқушылар. Отбасына міндетті түрде көмек көрсетеміз, материалдық көмек те көрсетіледі", - деді басқару төрағасының кеңесшісі Сәбит Болатов.

Абай Оспанов жүргізген №303 автобуста ақау болмағаны да хабарланды.

Жүргізуші денсаулығы да қалыпты болған. Бағытқа шықпас бұрын ол медициналық тексеруден өткен. Қысымы мен температурасы қалыпты, алькотестер теріс нәтиже көрсеткен.

Еске сала кетейік, бүгін 26 наурыз күні Нұр-Сұлтанда Ұлы Дала мен Қабанбай көшелерінің қиылысында үш автобус соқтығысып, салдарынан екі адам қаза тауып, тағы 27 тұрғын ауруханаға түскен еді.

Мақаланың түпнұсқасы: https://kaz.nur.kz/accidents/1785201-nr-sltanda-kaza-bolgan-avtobus-zrgizusisini-artynda-trt-balasy-kaldy/

pixel