RU

Білім вице-министрі Эльмира Сұханбердиеваның ісі сотқа өтті

Елордадағы №2 Есіл аудандық сотында білім және ғылым вице-министрі Эльмира Сұханбердиеваға қатысты сот отырысы басталды. Шенеунік пара алғаны, қызметтік өкілеттігін асыра пайдаланғаны мен заңсыз кәсіпкерлігі үшін айыпталуда деп хабарлайды KAZ.NUR.KZ.

Эльмира Сұханбердиева. Фото: edu.gov.kz
Эльмира Сұханбердиева. Фото: edu.gov.kz: UGC

Жоғарғы соттың ресми сайтындағы ақпаратқа сәйкес, сот кабинетінде іс екінші шілде күні басталған.

Құзырлы органның сайтында іс бойынша Нұр-Сұлтан қаласындағы №3 мектеп-гимназиясының директоры Елена Шеверняева да өтіп жатқаны хабарланған.

Сот үрдісі судья Бақытжан Есеновтың төрағалығымен өтетін болады.

Айта кетейік, бұған дейін вице-министр Эльмира Сұханбердиеваның тұтқындалғанын хабарлаған болатынбыз.

Бүгін, шенеуніктің процессуалдық келісімге келгені мәлім болды.

Мақаланың түпнұсқасы: https://kaz.nur.kz/1802936-bilim-vice-ministri-elmira-shanberdievany-isi-sotka-tti.html