RU

Айырбас нүктелеріндегі жаңа ереже теңге бағамына қалай әсер етеді

Рассказать Вконтакте

15 қаңтар күні Қазақстанда шетелдік валютаны айырбастау ережелерінің, сондай-ақ айырбас нүктелерінің жұмысы өзгергені хабарланды. Экономист Олжас Төлеуов жаңа ережелердің ұлттық валютаға қалай әсер ететінін айтты деп хабарлайды KAZ.NUR.KZ.

Сарапшы айырбас нүктелеріндегі жаңа ереженің доллар курсына қалай әсер ететінін айтты

Көрнекі фото: KAZ.NUR.KZ

Сарапшының пікірінше, қаржылық реттеуші қабылдаған шаралардың салдарынан елде валюта айырбастау пункттерінің саны қысқаруы мүмкін. Ол мұндай пікірге соңғы жылдардағы деректерді зерттей келе келген.

Төлеуовтің жазуынша, өткен жылы айырбас нүктелерінің саны 55-ке қысқарып, мемлекет бойынша 2624 пункт қана қалыпты.

Сондай-ақ, ол жұмыс істеп жатқан айырбас нүктелерінің 60%-ы екінші деңгейлі банктердің нүктелері, ал 34%-ы кәсіпкерлерге тиесілі екенін атап өтті.

Сарапшының мәліметінше, соңғы 22 жыл ішінде ел аумағында валюта айырбастау пункттерінің көпшілігі 2008 жылы жұмыс істеді.

Ол кезде валюта айырбастау пункттерінің саны 3,3 мыңнан асқан еді. 2008 жылдан бастап айырбас пункттерінің саны азайды.

Қазіргі уақытта айырбас нүктелерінің саны дәл 16-17 жыл бұрынғыдай деп жазды экономист Tengenomika telegram-арнасында.

Жоғарыда аталған деректерді қорытындылап, Ұлттық банк енгізген жаңа ережелерді есепке ала отырып, сарапшы айырбас нүктелерінің саны қысқарады деген тұжырымға келді.

Сондай-ақ Төлеу жекеменшік айырбастардың саны қысқарып, екінші деңгейлі банктердің саудасы өсетінін атап өтті.

Сонымен қатар, экономист бұл тенденцияның бөлшек валюта нарығына әсер ететіндігін жоққа шығармайды.

Оның жазуынша, бәсекелестік төмендейді және бұл бөлшек сатып алушылар үшін валюта құнының өсуіне әкеледі, өйткені бағаның өсуі де валюта бағасына қосылады.

Бүгінгі таңда биржа мен айырбас нүктелеріндегі доллар бағамының айырмашылығы 2 теңгені құрады.

Естеріңізге сала кетейік, жаңа заңға сәйкес 1 ақпаннан бастап қазақстандықтар жарты миллион теңгеден асатын соманы айырбастаған кезде жеке куәлігін көрсететін болады.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Айырбас нүктелеріндегі жаңа ереже теңге бағамына қалай әсер етеді
Mailfire view pixel