Top.Mail.Ru

Сайт нұсқасы

ru kz

Зектілері

"Арызыңды жаз да, бар: Баталов тапсырмасын орындамаған әкім орынбасарын жұмыстан шығарды

Опубликовано:

Алматы облысының әкімі Амандық Баталов Талдықорған қаласы әкімінің орынбасары Асхат Қалиасқаровқа жұмыстан шығу туралы өтініш жазуын талап етті деп хабарлайды KAZ.NUR.KZ Қазақпаратқа сілтеме жасап.

баталов
Амандық Баталов. Фото: ОКҚ: UGC

Халықпен кездесу барысында Талдықорған тұрғыны өңір әкіміне шағымын айтқан.

Әйел 21 жылдан бері пәтерінің құжаттарын рәсімдей алмай жүр. Ол бұған дейін облыс әкіміне жүгінген, ал әкім істі Асхат Қалиасқаровқа тапсырыпты. Тұрғынның сөзінше, осыған қарамастан оның мәселесі әлі шешілмепті.

"Маған Асхат Мейрамғалиұлы "Егер сіз Амандық Баталовқа кірсеңіз мәселем шешіледі деп ойлайсыз ба? Қаншама миллион тұрғын бар, егер мен бәріне көмектессем кім қалады?" деді. Менің ақшам болса, көмек сұрар ма едім? Мен маған ақша не пәтер беруді сұрап отырған жоқпын ғой. Мен өз ата-анамның пәтерін рәсімдей алмай жүрмін. Үй базада тұрған жоқ, тіркеуден өтпеген, берілмеген", - дейді әйел.

Тұрғынның шағымын тыңдаған Амандық Баталов әкім орынбасары Асхат Қалиасқаровты өзіне шақырып, тапсырманың не себепті орындалмағанын сұрады.

"Nur Otan" партиясының өкілдерімен бірлесіп шешім қабылдау және комиссия құру керек", - деді Алматы облысының әкімі.

Осыдан соң Амандық Баталов нақты тапсырманы орындамаған шенеуніктен орнын босатуын талап етті.

"Маған құрғақ сөз керек емес. Арызыңды жаз да, бар", - деді Баталов Талдықорған әкімінің орынбасары Асхат Қалиасқаровқа.

Өңір басшысы қала әкіміне босаған орынға лайықты кандидат табуды тапсырды. Алматы облысы әкімдінің хабарлауынша, Асхат Қалиасқаровты жұмыстан шығару туралы тапсырма берілген.

Еске сала кетсек, кеше Аманадық Баталов камерадан қорықпайтынын, өзінің адал еңбек етіп келе жатқанын дәлелдей алатынын айтқан еді.

Ең маңызды әрі қызықты жаңалықтарды біздің Telegram арнамыздан оқыңыздар!

Мақаланың түпнұсқасы: https://kaz.nur.kz/politics/1841837-aryzydy-zaz-da-bar-batalov-tapsyrmasyn-oryndamagan-kim-orynbasaryn-zmystan-sygardy/

pixel