RU

Коронавирус жұқтырған екі қазақстандықтың бірі әйел, бірі ер адам болып шықты

Рассказать в Telegram Рассказать Вконтакте

Денсаулық сақтау министрлігінің басшысы Елжан Біртанов коронавирус жұқтырған екі қазақстандықтың бірі әйел, екіншісі ер адам екенін мәлімдеді. Олар Германиядан ұшып келген деп хабарлайды KAZ.NUR.KZ.

Көрнекі фото: pixabay.com

Көрнекі фото: pixabay.com

Министр науқастардың бірі Алматыға 9 наурыз күні ұшып келгенін мәлімдеді. Алайда Германиядан жеткен борт жолаушылары ауруханаға жатқазылмаған. Адамдар үйіне жіберіліп, медициналық бақылауға алынған.

Енді коронавирус анықталған соң борттағы барлық 73 жолаушы іздестіріліп, ауруханаға 2 аптаға оқшаулауға жіберілген.

Сонымен қатар, медицина қызметкерлері науқастармен байланысқан азаматтарды да оқшауламақ. Келіп жеткен борт Алматы әуежайындағы ортақ терминалдан өткен.

Ал екінші науқас оңтүстік астанаға бүгін, 12 наурыздан 13 наурызға қараған түні келіп жеткен. Экипажбен қоса алғанда, борттағы барлық 12 адам стационарларға оқшаулауға жіберілді.

Еске салайық, 13 наурызда Нұр-Сұлтанда өткен Орталық коммуникациялар қызметіндегі брифинг барысында Денсаулық сақтау министрі Елжан Біртанов елімізде алғаш рет COVID-19 вирусы тіркелгенін мәлімдеді. Аталмыш инфекция екі азаматтан анықталған.

Ең маңызды әрі қызықты жаңалықтарды біздің Telegram арнамыздан оқыңыздар!

Тағы да оқыңыздар
Жүктеу...
Коронавирус жұқтырған екі қазақстандықтың бірі әйел, бірі ер адам болып шықты
Mailfire view pixel