Выйти
RU

"Қызының кесірінен анасы көз жұмды": Коронавирус туралы әсерлі видео пайда болды

Рассказать в Telegram Рассказать Вконтакте

Әлеуметтік желіде карантин ережесін сақтамаған бойжеткен туралы әсерлі видео пайда болды. Роликті көрген оқырмандар көз жастарына ерік берген деп хабарлайды KAZ.NUR.KZ порталы.

Видеодан кадр

Видеодан кадр

Ой саларлық видеоны Алматы қаласының әкімі Бақытжан Сағынтаев Instagram желісінде жариялап, "Өз өмірлеріңізді сақтаңыздар" деген жазба қалдырды.

Бір сағаттан астам уақыттың ішінде 40 мың қаралым жинап үлгерген ролик кадрынан қазіргі қоғамның боямасыз бейнесін анық көруге болады.

Видеода карантин уақытында анасының тілін алмай, туған күнін атап өткен бойжеткеннің оқиғасы суреттелген.

  • Одан бөлек, роликте қыз баланың сауық кешінде коронавирус инфекциясын жұқтырғаны, үйіне келіп анасымен байланыста болғаны да көрінеді.

Видео анасының қауіпті дерттен көз жұмған сәтімен аяқталған.

Желі оқырмандары қала басшысы жүктеген видеодан үлкен әсер алғандарын жасырған жоқ.

"Өте әсерлі видео", "Мағыналы", "Өте аянышты, Құдай сақтасын", "Қоғамда карантинге дәл осындай ат үсті қарайтындар толып жатыр", "Үйде отыру керек достар, отбасың амандығы өз қолыңда. Тышқандар сияқты көшеде жүре бермей, аурудың таралуын төмендетуге кедергі жасамаңдар", "Дұрыс ролик, автор мен сценарист жарайсыңдар", "Қоғамда сенбей жүргендерге осындай видеоны көрсеткен дұрыс", "Қызының кесірінен анасы көз жұмды" деді олар.

Тағы да оқыңыздар

Тележүргізуші Дана Нұржігіттің өмірбаяны

Пікір білдіргендердің арасында әлеуметтік роликті қазақ тілінде түсірмегенін айтып, шағымданғандар да болды.

Cоңғы деректер бойынша, елімізде коронавирус инфекциясын жұқтырғандардың саны 1179-ға жетті.

Естеріңізге сала кетейік, Қазақстанның денсаулық сақтау министрлігінің комитеті еліміздің ғылыми орталықтарының коронавирус жұқтырудың ең жоғары деңгейіне қатысты болжамын жариялады. Қазақстанда аурудың ең көп мөлшері сәуір немесе мамыр айларында болады деп күтілуде.

Ең маңызды әрі қызықты жаңалықтарды біздің Instagram парақшамыздан оқыңыздар>>

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Қызының кесірінен анасы көз жұмды": Коронавирус туралы әсерлі видео пайда болды