Нұр-Сұлтанда 14 күнде салынып біткен инфекциялық аурухана туралы не білеміз (фото)

Нұр-Сұлтанда коронавирус инфекциясын жұқтырған науқастарды емдеуге арналған модульді инфекциялық аурухана құрылысы аяқталды деп хабарлайды KAZ.NUR.KZ.

Жаңа медициналық мекеменің суреті ел президентінің сайтында пайда болды. Модульді клиниканың құрылысына екі апта ғана жұмсалды деп мәлімдеді Ақорда. Мекеме алаңының аумағы 7 мың шаршы метрді құрайды. Аталған инфекцялық аурухана құрылысы үшін бюджеттен 5,5 млрд теңге бөлінген. Мердігер ұйым "BI Group"компаниясы болды.

Аурухана ғимараты тез құрастырылатын құрылыс технологиясын пайдалана отырып, модульдік блоктардан тұрғызылды. 200 орынға есептелген аурухана медицина қызметкерлері мен ем алушылардың қауіпсіздігін қамтамасыз ететін заманауи құралдармен жабдықталған.

Айта кетейік, осыған дейін мемлекет басшысы клиника дәрігерлерімен кездескен еді. Президент аталған госпиталь елде осы типтес алғашқы медициналық мекеме екенін түртіп өтті.

"Сіздер пандемиямен күресте алдыңғы шепте жұмыс істеп жүрсіздер. Сіздерге ризашылығымыз шексіз. Күндіз-түні тынбай еңбек етіп жатырсыздар. Өкінішке қарай, Алматыда дәрігерлерімізді індеттен қорғай алмадық. Қазір қалыптасқан Төтенше жағдайды жою үшін күресудеміз. Сондықтан абай болғандарыңыз жөн, ең алдымен, өз денсаулықтарыңызды сақтаңыздар", – деді мемлекет басшысы.

Ең маңызды әрі қызықты жаңалықтарды біздің Telegram арнамыздан оқыңыздар!