Выйти
RU

10 жылдан бері үйінің төбесінде көк ту желбіреп тұрған тұрғын жайлы не білеміз (фото)

Рассказать в Telegram Рассказать Вконтакте

Павлодар облысы Аққулы ауданы, Мерғалым ауылынан Кенжекөл ауылындағы қазақтың даңқты боксшысы Бекзат Саттарханов көшесіндегі 21 үй ерекше көзге түседі. Ауыл тұрғыны көк туымызды қастерлеп, өз үйінің төбесіне іліп қойған деп хабарлайды KAZ.NUR.KZ pavlodarnews.kz-ке сілтеме жасап.

Фото: pavlodarnews.kz

Фото: pavlodarnews.kz

Мемлекеттік рәмізге ерекше құрмет көрсететін Ерсайын Шапиннің сөзінше, әрбір қазақстандық ұлттық рәміздерді құрметтеп, оларды бойтұмарындай қастерлеуі керек.

"Осыдан 10 жыл бұрын Аққулы ауданы, Мерғалым ауылынан Кенжекөл ауылына қоныс аудардым. Алғаш үйімнің іргетасын қалап бастағанда "осыдан баспанам салынып бітсе, төбесіне көк байрағымды іліп қоямын" деп армандаған едім. Қазір сол арман орындалды.
Бірақ, бұл күнге жету үшін біраз күресуге тура келді. Ақыр соңында Ата Заңымызда рұқсат етілгенін дәлелдегеннен кейін ғана кедергісіз үйімнің төбесіне орната алдым. Көзім жұмылғанша, көк туым төбемде желбіреп тұратын болады", - дейді ауыл тұрғыны.
Ерсайын Шапин. Фото: pavlodarnews.kz

Ерсайын Шапин. Фото: pavlodarnews.kz

Ерсайын Шапиннің айтуынша, өзгеге патриоттық туралы әңгіме айтпас бұрын балалардың бойына отансүйгіштік қасиетті сіңіру керек.

"Ол үшін тек туымызды ғана емес, әнұранымыз бен елтаңбамыз туралы да жиі айтуымыз шарт. Осы ретте мені қынжылтатын бір нәрсе бар. Ол – көшеде шашылып жатқан тиындарды көре тұра, мән бермей өтіп кететіндерді көз көріп жүр. Айтпағым, 1 теңгелік тиын болсын, 100 теңгелік болсын, жерде жатса - көтеріңіз. Оған ақша деп емес, Мемлекеттік елтаңбам деп қараңыз. Меніңше, елін-жерін, отанын сүйетін әр адам бұл жағдайға бей-жай қарамайды деп ойлаймын", - деді ол.

Айта кетейік, бүгін қазақстандықтар мемлекеттік рәміздер күнін атап өтті. Рәміздер күнімен мемлекет басшысы Қасым-Жомарт Тоқаев та құттықтады.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
10 жылдан бері үйінің төбесінде көк ту желбіреп тұрған тұрғын жайлы не білеміз (фото)