Выйти
RU

65 жастағы әжейді жар етіп алған 24 жастағы жігіт желіде қызу талқыға түсті

Рассказать в Telegram Рассказать Вконтакте

Индонезияның оңтүстік Суматра қаласының 65 жастағы тұрғыны алғашқы күйеуімен ажырасып кеткеннен кейін араға 30 жыл салып, екінші рет тұрмыс құрды. Бұл жолы оның таңдауы 24 жастағы Арди Варас есімді жігітке түскен деп хабарлайды KAZ.NUR.KZ Life.ru-ге сілтеме жасап.

24 жастағы жігітке тұрмысқа шыққан

Фото: facebook.com/pg/akuwongpati

65 жастағы Мба Гамбренг пен 24 жастағы Арди би тобында танысқан. Жас жігіт топта өнер көрсеткен, ал әжей жетекшілердің бірі болған.

Осылайша, қарт кісі бір жыл бұрын өзге балалар секілді 24 жастағы Ардиды асырап алған. Әжей асырап алған балаларының барлығын үйлендіріп, құтты орнына қондырыпты. Ал Арди үйленген жағдайда тек Мбаны ғана жар етіп алуға дайын екенін мәлімдеген.

Әжей өз кезегінде мұндай ұсынысқа таңырқап қалғанымен, қуана келісімін беріпті. Жігіт тіпті, қалыңдығы үшін 100 мың индонезиялық рупий көлемінде қалың мал төлеген.

Facebook желісінде жұбайлар қызу талқыға түскен. Десе де олардың басым бөлігі ерлі-зайыптыларға бақыт тілеп, ешкімнің сөзіне құлақ аспауға шақырған.

"Егер сіз әлі екінші жартыңызды жолықтырмаған болсаңыз, уайымдамаңыз, ол әлі дүниеге келмеген болуы керек", "Жаратқанның өзі қаласа, мүмкін емес нәрсе жоқ. Бақытты болыңыздар", "Махаббат жасқа қарамайды", - деп жазды олар.

Естеріңізге сала кетейік, Үндістанда ер адам екінші рет үйлену үшін жұбайын өлтіріп, жұртты шошытқанын жазған едік.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
65 жастағы әжейді жар етіп алған 24 жастағы жігіт желіде қызу талқыға түсті