Выйти
RU

"Ханның қызысыз ба?": Әбдіқалықова желіде тараған видеоға түсініктеме берді

Рассказать в Telegram Рассказать Вконтакте

Қызылорда облысының әкімі Гүлшара Әбдіхалықова әлеуметтік желіде тараған шулы видеоға қатысты түсініктеме берді деп хабарлайды KAZ.NUR.KZ порталы.

Гүлшара Әбдіқалықова. Фото: abai.kz

Гүлшара Әбдіқалықова. Фото: abai.kz: Facebook

Айта кетейік, осыған дейін әлеуметтік желіде Жаңақорған ауданының тұрғыны Қызылорда облысының әкімі келеді деп жолды жауып тастағанын айтып, видео жариялаған болатын.

"Сіз осында келе жатырмын деп жолды жаптырдыңыз ба? Бізді жолдан түсіріп кетті. Жолды жаптыратын ханның қызысыз ба? Неге келе жатқанда осылай жасайсыздар? Халықты қорлайсыздар, халықпен бірге емессіздер", - деді облыс тұрғыны.

Кадрдан өңір басшысының жолды жаптырмағанын айтқанын анық естуге болады.

Осы видеоға қатысты кейінірек Гүлшара Әбдіхалықова түсініктеме беруді ұмытпады.

"Бүгін Жаңақорған, Шиелі аудандарындағы медициналық мекемелерді аралап, дәрі-дәрмекпен, оттегімен қамтамасыз ету мәселелерін қарап жатырмын. Осындай іс-сапар кезінде Жаңақорған ауданы инфекциялық ауруханасының қасында Сандуғаш Тұрлыбекова деген әйел маған келіп, жолдың жабылғанын айтты", - деді облыс әкімі.

Тағы да оқыңыздар

"Бір тал бетперде берген": ШҚО жұрты әкімдіктің көмегіне наразы

Сонымен қатар Әбдіхалықова осы істің мән-жайын анықтауды облыстық полиция департаменті басшысына тапсырғанын айтты.

"Мен жолды жабу туралы тапсырма берген жоқпын, аудан әкімі де ешқандай тапсырма бермеді. Сол жердегі ішкі істер бөлімінің басшысы да ондай тапсырма берілмегенін айтып отыр. Бұл учаскелік полицияның шешімі болса, оның іс-әрекетіне қатысты облыстық департамент басшысы Сұлтан Бектөреге тапсырма бердім", - деді өңір басшысы.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Ханның қызысыз ба?": Әбдіқалықова желіде тараған видеоға түсініктеме берді