RU

Сәтбаевтағы тәртіпсіздік кезінде полиция бастығына шабуыл жасалды (видео)

Telegram logo VKontakte logo

Әлеуметтік желілерде Сәтбаевта бес жасар қыз жоғалған түні Жезқазған полиция бөлімі бастығының адамдардың қоршауында қалып қойған сәті видеоға түсіп қалды. Кадрлардан полиция бастығының соққыға жығылғанын көруге болады деп хабарлайды KAZ.NUR.KZ.

Кадр видеодан алынды

Кадр видеодан алынды: Facebook

Видеоның жазбасында Жезқазған полиция бөлімі бастығының қыз жоғалған түні оқиға орнына келгені айтылады.

Кадрлардан оны ондаған адамның қоршап алғанын көруге болады. Сол сәтте белгісіз біреудің Амангелді Құрмановқа соққы жасағаны көрінеді. Содан соң жақын тұрған адамдар полицейге бас салған.

Бүгін Амангелді Құрмановтың өзі болған жайтты растап отыр. Жезқазған полиция бөлімінің бастығы оқиғаның мән-жайын баяндады.

Айтуынша, Сәтбаевтағы жағдайды естіген бойда ол жеке құраммен бірге оқиға орнына аттанған. Ол кезде оқиға орын алған үйдің маңында ондаған адам жиналып, тәртіпсіздік ұйымдастыра бастаған, күдіктінің өздеріне беруді талап еткен.

Тағы да оқыңыздар

Балқашта 14 жастағы қызды зорлады деп күдіктелген полицей ұсталды

"Топтың ішінде біреу мені танып қойып, полиция бастығы деп айқайлады. Олар менен күдіктіні беруімді талап етті", – дейді Құрманов.

Полицей оқиға салдарынан түрлі дене жарақатын алғанын мәлімдеді. Ал өзінің мас күйде болғаны туралы ақпаратты жоққа шығарды.

Видео zakon.kz сайтынан.

Еске сала кетейік, бұған дейін Сәтбаевта жоғалған 5 жасар қыз баланың ата-анасы алғаш рет ел тұрғындарына үндеу жасаған болатын.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Сәтбаевтағы тәртіпсіздік кезінде полиция бастығына шабуыл жасалды (видео)