RU

"Аузынан түсіп қалғандай": Төреғали Төреәлі алғаш рет халыққа ұлын көрсетті (фото)

Төреғали әкесі мен ұлымен
Фото: Instagram/toregalitoreali

Отандық шоу-бизнес жұлдызы Төреғали Төреәлі алғаш рет қалың көпшілікке ұлын көрсетті. Өнер иесі бұған дейін Төренұрдың суретін еш жерде жарияламаған деп жазады KAZ.NUR.KZ.

Төреғали Төреәлі өзінің туған күнінде жасалған фотолармен бөлісіп, Instagram парақшасында алғаш рет ұлымен түскен суретін ел назарына ұсынды. Бұған дейін жұлдызды отбасы Төренұр Төреәлінің түрін еш жерде көрсетпеген болатын.

Алайда, эстрада жұлдызы жеке мерекесіне орай, барша жанкүйерлеріне бір қуантып алған.

Желі қолданушылары бірден әкесі мен ұлының суретін қызу талқылап, олардың өзара қатты ұқсайтындарын жазды.

""Сізден аумай қалған. Тіл көзден аман болсын құлыншақ" , "Аузыңыздан түсіп қалғандай" , "Ұқсамасаң тумағыр" , "Туған күн құтты болсын сәби атасымен әкесіне тартсын бақытты болсын" , "Кішкентай Төреғали ғой, ғұмыр жасы ұзақ болсын", "Төреғалидің көшірмесі" , "Төреш өзіңнен айнымай қалған" , "Әкесінен айнымай қалыпты ұлы" , "Атасы мен әкесінің ортасында неткен керемет көрініс" , - деп пікірлерін білдірді желідегілер.

Айта кетейік, бұған дейін белгілі композитор Дидар Кәденнің алғаш рет жаңа сүйіктісін көрсеткенін жазған болатынбыз.

Өнер иесінің алғашқы некесі сәтсіз аяқталып, ұлының анасы екеуі ресми түрде ажырасып кеткен болатын.

Араға біраз уақыт тастап, ол тағы да бағын сынап көрмек. Лидия Кәденованың ұлын өзіне ғашық еткен ару да өнер саласынан болып шықты.

Оригинал статьи: https://kaz.nur.kz/1879992-auzynan-tsip-kalgandaj-tregali-treli-algas-ret-halykka-lyn-krsetti-foto.html