Top.Mail.Ru

Сайт нұсқасы

ru kz

Зектілері

Алматыда полицейлерге жасалған шабуылдың мән-жайы белгілі болды

Опубликовано:

Алматыда полицейлерге жасалған шабуылдың мән-жайы анықталды. Криминалдық драманың негізгі себебі 40 мың теңге болған деп хабарлайды Еуразия бірінші арнасына сілтеме жасаған KAZ.NUR.KZ.

Фото: Видеодан кадр/ Еуразия бірінші арнасы
Фото: Видеодан кадр/ Еуразия бірінші арнасы: Twitter

Дәрігерлердің сөзінше, зардап шеккен полицейлердің біріне жедел түрде ота жасалған. Қазір ол жансақтау бөліміне жатыр. Ал екінші тәртіп сақшысы жарақатына ем-дом жасалған соң амбулаторлық емдеуге жіберілген.

Екі күдіктіні тек бес сағаттан соң ғана ұстау мүмкін болған. Ал қалған екеуі әлі де бостандықта жүр.

Істің басты фигуранты өз әрекеті үшін өкініп отырған жоқ. Ол болған оқиғаны өмірінің бір эпизоды ретінде ғана баяндап отыр. Айтуынша, өз пышағын үйінен "сақтану" үшін алып шығыпты.

Айта кетейік, Алматыда бұзақыларды ұстау операциясы қос полицейдің өліміне әкеле жаздады.

Полиция департаментінде хабарлағандай, барлық оқиға 40 мың теңге үшін болған. Көлікті жалға алған жүргізушісі екі күн үшін иесіне 14 мың теңге ұсыныпты. Бұл қаржы көлік иесіне ұнамағандықтан, ол қарызды қандай жолмен болса да, қайтаруды ойлаған.

Осылайша, 14 мың теңгенің орнына 40 мың теңге алмақ болған ол достарын ертіп, жалға алған азаматты аяусыз соққыға жыққан.

Жәбір көрген такси жүргізушісі бірден полицияға шағымданыпты.

Күдіктілерді ұстау кезінде олар полицейлерге қарсылық танытып, екі тәртіп сақшысын да пышақпен жарақаттаған.

Тергеу жұмыстары жалғасуда.

Мақаланың түпнұсқасы: https://kaz.nur.kz/accidents/1788202-almatyda-policejlerge-zasalgan-sabuyldy-mn-zajy-belgili-boldy/

pixel