Алматыдағы ұшақ апаты: Қаза тапқандардың саны 14 адамға жетті
Опубликовано:
Алматы маңында Bek Air әуе компаниясы ұшағынаның апатқа ұшырауы салдарынан қайтыс болғандардың саны 14 адамға жетті деп хабарлайды KAZ.NUR.KZ Zakon.kz порталына сілтеме жасап.
![Көрнекі фото: NUR.KZ Көрнекі фото: NUR.KZ](https://cdn.nur.kz/images/1120/07a189a3e82c00b2_w.jpeg)
Басылымның мәліметінше, Балаларға жедел медициналық көмек көрсету орталығына 8 бала бірнеше жарақатпен, Алматыдағы көпсалалы клиникалық ауруханаға 5 адам өте ауыр жағдайда жеткізілген.
Тағы 5 адам әртүрлі жарақатпен Жедел медициналық көмек көрсету ауруханасына түскен. №4 қалалық клиникалық аурханаға 17 науқас ауыр жағдайда жеткізілген.
Оқиға орнында 14 адам қаза тапқан.
Еске сала кетсек, бүгін 27 желтоқсанда Алматыдан Нұр-Сұлтанға бағыт алған Bek Air әуе компаниясының рейсі апатқа ұшырағаны хабарланды.
Мемлекет басшысы Қасым-Жомарт Тоқаев қаза тапқандардың туыстары мен жақындарына көңіл айтып, кінәлілердің қатаң жазаға тартылатынын мәлімдеді.
Сонымен қатар Bek Air әуе компаниясының барлық рейстері тоқтатылғаны белгілі болды.
Мақаланың түпнұсқасы: https://kaz.nur.kz/accidents/1833814-almatydagy-sak-apaty-kaza-tapkandardy-sany-14-adamga-zetti/