Бірнеше күн бұрын жоғалып кеткен танымал ақтөбелік блогер қайтыс болды

Ақтөбелік белгілі блогер әрі вайнер Мұрат Бимағамбетов қайтыс болды. Бұл туралы Диапазон басылымына сілтеме жасаған KAZ.NUR.KZ хабарлайды.

Мұрат Бимағамбетов 19 қарашада жоғалып кетті. Содан бері оны көпшілік тоқтаусыз іздеген болатын. Блогердің үйінен шығып, қайта оралмағаны хабарланған.

Әзілкен Мұрат Бимағамбетов ақтөбелік КВН командасының капитаны ретінде де есте қалған. Сондай-ақ, ол қайырымдылық іс-шараларын жиі өткеріп, "100 дос" жобасын құрған. Осылайша, әлеуметтік жағдайы төмен отбасыларға көмектесуімен де ерекшеленді.

27 қараша күні Мұрат Бимағамбетовтің қаза болғаны хабарланды.

Ақтөбе облыстық полиция департамерті KAZ.NUR.KZ тілшісіне пікір білдіріп, танымал блогердің денесі Орал қаласынан табылғанын растады.

"Мұрат Бимағамбетовтың туыстары оның жоғалғандығы туралы хабарлап, іздеу жариялады. Марқұмның денесі Орал қаласынан табылғандығы жөнінде хабар келді",- деп хабарлайды Ақтөбе облыстық ПД-нің баспасөз қызметі.

Мәтіннен қате тапсаңыз, бізге жазыңыз