"Күйік алғандар бар": ШҚО-да газ баллонын толтыру станциясында жарылыс болды
Жарияланған күні:
Бүгін, 22 маусымда ШҚО-дағы Шемонаиха қаласында газ баллонын толтыру станциясында жарылыс болып, салдарынан өрт шыққан. Бұл туралы ТЖМ Telegram-дағы ресми арнасында хабарлады.
Ведомство мәліметінше, 22 маусымда Шемонаиха қаласы Украинская көшесіндегі газ баллондарын толтыру станциясында болған жарылыс салдарынан өрт шыққан.
ТЖМ өкілдері өрттен 5 бірлік техника жанып кеткенін, өрт сағат 14:44-те оқшауланғанын атап өтті.
"Термиялық күйік алған 2 адам ауруханаға жеткізілді. Тұрғын үйлер мен орман қорына қауіп жоқ", - деп хабардар етті ведомстовадан.
ТЖМ өртті сөндіруге 5 өрт сөндіру автокөлігі және 12 адам жұмылдырылғанын хабарлады.
Мақаланың түпнұсқасы: https://kaz.nur.kz/accidents/2025953-kuiik-algandar-bar-sqo-da-zanarmai-quyu-stanciyasynda-zarylys-boldy/
