Шахтадағы жарылыс: "АрселорМиттал Теміртау" аза тұту күнін жариялады

20 тамыз "Қазақстан" шахтасындағы жарылысқа байланысты "АрселорМиттал Теміртау" компаниясында қаралы күн болып жарияланды. Бұл туралы ұйымның ресми сайтында хабарланды, деп жазады KAZ.NUR.KZ.

"АрселорМиттал Теміртау" ұжымының атынан қайтыс болған әріптес-шахтерлердің отбасына, жақындары мен туыстарына қайғыра көңіл айтамын.

Бұл бәріміз үшін ауыр қайғы, үлкен қасірет.

Марқұмдардың отбасына жан-жақты көмек пен қолдау көрсетеміз. Сондай-ақ жарақат алған жұмысшыларға оңалту кезінде барлық көмек көрсетіледі.

20 тамыз "АрселорМиттал Теміртау" акционерлік қоғамында аза тұту күні болып жарияланды", - делінген компанияның бас директоры Владимир Яблонский.

Айта кетелік, 17 тамыз күні "Қазақстан" кенішіде өрт болып, бес адам қаза тапты.

Өрт кезінде жер астында болған 227 қызметкердің 222-сі сыртқа шығып үлгерген.

Кеше бесінші кеншінің денесі табылғаны хабарланды.

Мәтіннен қате тапсаңыз, бізге жазыңыз