Павлодар облысында өзеннен көлікте болған екі бала мен әйелдің денесі табылды

Павлодар облысы Павлодарское ауылында Ертіс өзенінен 43 жастағы әйел мен екі баласының денесі шығарылды. Отбасы көліктің ішінде су астында қалып қойған, деп хабарлайды Павлодар облысы Төтенше жағдайлар департаментінің баспасөз қызметіне сілтеме жасаған KAZ.NUR.KZ.

Құтқарушылардың айтуынша, 25 тамыз күні кешкі уақытта Ертістен 43 жастағы әйел мен екі баласының денесі табылып, судан шығарылды. Балалар 6 және 9 жаста болған. Оқыс оқиға орнына 5 адам, 2 бірлік арнайы техника жіберілді.

"Құтқарушылар сағат 21:40 шамасында жеңіл көлікте келе жатып, өзенге ағып кетіп, шыға алмай қалған 1980 жылғы әйел мен екі баласының денесін алып шықты", - делінген Павлодар облысы ТЖД баспасөз қызметінің хабарламасында.

Құтқарушылар отбасы туралы мән-жайды нақтылаған жоқ.

Еске сала кетсек, бұған дейін 21 тамыз күні Түркістан облысы Отырар ауданы, Көксарай елдімекенінен 3 шақырым жерде Сырдария өзенінде қайғылы жағдай болған еді.

Облыстық төтенше жағдайлар департаментінің мәліметінше, 11 адам суға түсуге арналмаған жерде суға түсіп, батып кеткен.

ТЖД ақпаратынша, суға кеткендер өзен жағасына демалуға келген 20 адамнан құралған 4 отбасының мүшелері.

Кейін Төтенше жағдайлар министрлігі Сырдария өзеніне батып кеткен 11 адамның жасы туралы мәлімет таратты.