Екібастұз ЖЭО-да тағы бір төтенше жағдай болды

Екібастұз ЖЭО-да күл құбырының зақымданғаны анықталды. Ақау таңғы 05.30-да жойылған. Ыстық резервтегі екі энергетикалық қазандық агрегаты іске қосылды, деп хабарлайды KAZ.NUR.KZ.

"Экибастузтеплоэнерго" ЖШС Instagram-да жариялаған хабарына қарағанда, ақаудан су жылыту қазандықтарының сорғы бөлмесін су басқан. Екібастұз қалалық ТЖ басқармасы мен ЕЖЭС персоналы суды сору жұмысын жүргізіп жатыр.

Сонымен қатар, сорғы станциясын іске қосу үшін қосымша қозғалтқыш әзірленген. Қазіргі уақытта станцияда 7 қазандық агрегаты жұмыс істейді (Nº 5, 6, 7, 9, 11, 13, 14), оның ішінде су жылыту цехінің қазандығы белгілі бір аралықта мазутпен жұмыс істейді.

"Жеткізу температурасы 70 градус, гидравликалық қысым бекітілген режим аясында қамтамасыз етілген: жеткізілімде 9 кг және қайтарымда 1,5 кг. Алдағы уақытта багерлік сорғыны іске қосу жұмыстары аяқталады, содан кейін кестеге сәйкес көмірмен су жылыту қазандықтарының стандарт жұмысы қамтамасыз етіледі", - делінген компания хабарында.