"Үсік шалған": құтқарушылар Арқалық маңында жоғалып кеткен әйелді тапты (видео)

Құтқарушылар Арқалық маңында жоғалып кеткен әйелді Ақтас ауылынан 2 шақырым жерден тапқан. Бұл турлы KAZ.NUR.KZ ТЖМ-нің Telegram-дағы ресми арнасына сілтеме жасап хабарлайды.

Ведомство мәліметінше, 14 қаңтарда таңғы сағат 8:00-де 46 жастағы әйел Ақтас ауылынан Арқалық қаласына қарай жаяу шыққан.

Әйелдің жоғалып кеткені туралы жергілікті шаруа қожалығы хабарлаған.

ТЖД қызметкерлері әйелді сағат 18-55-те Ақтас ауылынан 2 шақырым жерден тапқан.

"Денесін үсік шалған әйел қазіргі уақытта реанимацияда", - делінген хабарламада.

ТЖМ өклдері азаматтарға қолайсыз ауа райы жағдайында елді мекендерден алыс кетпеуді ескертті.

Мәтіннен қате тапсаңыз, бізге жазыңыз