Шымкентте жоғалған жасөспірім қыздар Алматы хостелдерінің бірінен табылды

Шымкентте бейімдеу орталығынан жоғалған қыздарды полиция іздеп тапты. Жасөспірімдер Алматыдан табылды, деп хабарлайды Шымкент қалалық полиция департаменті Instagram-да.

Ведомство мәліметінше, Шымкенттегі кәмелетке толмағандарды бейімдеу орталығының үш тәрбиеленушісі қаңтардың 14-і кешке белгісіз бағытта кетіп қалған.

Жоғалғандарды іздеуге полиция басқармасының жеке құрамы жұмылған. Тәртіп сақшылары көрші аймақтардағы әріптестеріне қыздардың суретін, сыртқы келбеті мен киімдері сипатталған бағыттамаларды жолдады. "Қабылданған шаралардың нәтижесінде жедел уәкілдер бір тәулік ішінде қыздарды Алматы қаласынан аман-есен тапты. Қазір, олар Алматының кәмелетке толмағандарды бейімдеу орталығына орналастырылды", - делінген полиция хабарында.

Мәтіннен қате тапсаңыз, бізге жазыңыз