Жеті облыста мектептерде атыс болады деп хабарланған: Оқу-ағарту министрлігі түсінік берді

Қазақстан мектептерде атыс болады деген ақпаратқа елдің Оқу-ағарту министрлігі түсініктеме берді. Бұл туралы KAZ.NUR.KZ хабарлайды.

"Жеті облыстан ақпарат келіп түсті, екеуінде ғана бұл ақпараттарды балалар таратқан. Қарағанды облысы мен астаналық ата-аналарға әкімшілік жаза қолданылды: айыппұл салынып, ескерту жасалды.

Қалғандары (күдіктілер - ред. ескертпесі) біздің елден емес, сырттан келгендер. Бұл мәселені Ішкі істер министрлігі қарастырып жатыр", - деді Оқу-ағарту министрлігінің Балалар құқықтарын қорғау комитетінің төрағасы Насымжан Оспанова ОКҚ алаңында өткен брифинг барысында.

Ол сондай-ақ мұндай құқық бұзушылықтар үшін жазаны қатаңдату қажет пе деген сауалға да жауап берді.

"Менің ойымша, ауыр жаза қазірдің өзінде қарастырылған. Бұл жалған процедураларды тоқтатуы керек деп ойлаймын", - деді спикер.

Атыс пен дайындалып жатқан лаңкестік әрекеттер туралы хабарламалар

Еске сала кетейік, қаңтар айының аяғында Telegram желісінде арна пайда болып, оның авторы Ақтөбе мектептерінде жаппай атыс жасайтынын айтқан болатын. Облыстық полиция департаменті бұл факт бойынша сотқа дейінгі тергеу жұмыстары басталғанын, күдіктілерді анықтау жұмыстары жүргізіліп жатқанын түсіндірді.

Оқу-ағарту министрлігінің баспасөз қызметі Ақтөбедегі мектеп оқушыларының ата-аналарын сабырға шақырды. Басқарма білім беру ұйымдарындағы оқу үдерісі әдеттегідей жалғасып жатқанын атап өтті.

Полицияның хабарлауынша, лаңкестік актісі туралы хабарламадан кейін тәртіп сақшылары Ақтөбе мектептерге кіру режимін бақылауға алған.

Сол күні полицейлер хабарламалардың авторын тапты. Ол 18 жастағы көрші елдердің бірінің тумасы болып шықты.

Сондай-ақ белгісіз біреулер Telegram-арнасында Атыраудағы бірқатар мектепте жаппай қырғынға дайындық жүріп жатқаны туралы хабарламалар жариялады. Полиция терроризм актісі туралы көрінеу жалған хабарлау фактісі бойынша тергеуді бастады.

Кейінірек Атырау полицейлері қала мектептеріне жасалатын шабуыл туралы жаңа фейк ақпараттық хабарлама пайда болғанын айтты.

Ақпан айының басында Павлодар облысының полиция департаменті павлодарлық мектептерде белгісіз біреулер теракт дайындап жатыр деген ақпаратқа да түсініктеме берді. Келесі күні Павлодарда мектеп оқушыларының үштен бірінен астамы сабаққа келмегені хабарланды.