Қарағандыда сәбиді далада тастап кетті деген күдікпен екі адам ұсталды
Опубликовано:
Қарағандыда нәрестені далада тастап кету дерегі бойынша күдікке ілінген екі адам ұсталды. Бұл туралы ІІМ Telegram-дағы ресми арнасында хабарлады.
ІІМ мәліметінше, полиция қызметкерлерімен жүргізілген кешенді жұмыстардың нәтижесінде нәрестені далада тастап кету дерегі бойынша күдікті 29 жастағы ер адам мен 22 жастағы азаматша ұсталды.
"Қазіргі уақытта оқиғаның толық мән-жайы анықталуда", — деп хабарлады Қарағанды облыстық Полиция департаменті бастығының орынбасары Ернат Қалиақпаров.
Айта кетейік, 25 ақпанда Қарағандыда үйлердің бірінің подъезінен жаңа туған шақалақ табылған болатын. Полицейлер сәбидің анасын іздестіріп жатқанын хабарлаған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2063452-qaragandyda-sabidi-dala-tastap-ketti-degen-kudikpen-eki-adam-ustaldy/