Қарағандыда көпқабатты үйдің кіреберісінен жаңа туған нәресте табылды

Қарағандыда үйлердің бірінің кіреберісінен жаңа туған шақалақ табылды. Полицейлер сәбидің анасын іздестіріп жатыр деп хабарлайды, ішкі істер министрлігінің баспасөз қызметіне сілтеме жасаған KAZ.NUR.KZ.

Полицейлердің мәліметіне сүйенсек,, жедел басқару орталығына ер адам телефон шалып, Қарағандының оңтүстік-шығыс ауданында орналасқан үйлердің бірінің дәлізінде нәресте жатқанын хабарлаған.

Оқиға орнына жеткен полицейлер жаңа туған ұл баланы тауып, үсік шалудан аман алып қалды.

"Қазіргі уақытта полицейлер оқиғаның мән-жайын анықтап, баланың анасын іздестіруде. Сәби жедел жәрдем дәрігерлеріне тапсырылды. Аталған дерек бойынша қылмыстық іс қозғалды", - делінген хабарламада.