Ақтөбеде екі көлік бетпе-бет соқтығысты: сегіз адам зардап шекті

Ақтөбе облысында Өлке ауылының маңында жол апаты болды. Жол-көлік оқиғасы салдарынан 8 адам зардап шекті, деп хабарлайды KAZ.NUR.KZ облыстық полиция департаментіне сілтеме жасап.

Оқиға орнында түсірілген видео aqtobe_sergek Instagram-парақшасында жарияланды.

"Лада Ларгус" пен "Тойота Эстима" минивэндері бетпе-бет соқтығысқан. Зардап шеккендер бар, көз жұмғандар да болуы мүмкін, дейді видео авторы.

Ақтөбе облыстық полиция департаменті өкілдері жол апатына қатысты пікір білдірді.

"13 наурызда Самара-Шымкент тас жолында "Лада Ларгус" және "Тойота Эстима" көліктері соқтығысқан жол-көлік окиғасы болды. Апат салдарынан екі жүргiзушi мен 6 жолаушы түрлi дене жарақатымен медициналық мекемеге жатқызылды", - деп хабарлады облыстық полиция департаментінен.

Ескерту: видеода былапыт сөз айтылады!

Мәтіннен қате тапсаңыз, бізге жазыңыз