Top.Mail.Ru

Сайт нұсқасы

ru kz

Зектілері

"Жағдай ушығып барады": Қостанайда төтенше жағдай жарияланды

Опубликовано:

Өзен
Өзен. Фото: kstnews.kz

Қостанайда төтенше жағдай жарияланды. Қалада су тасқыны бүгін түстен кейін шарықтау шегіне жетеді деп болжанып отыр. Су қоймалары судың ағуын арттырып, транзитке жұмыс істеуде, деп жазады "Костанайские новости" басылымы.

Қостанайда шығындарды бағалау комиссиясы құрылады. Комиссияға үйін су басқан тұрғындар хабарласа алады.

Бұған дейін қалалық су тасқынына қарсы жедел штаб Қаратомар су қоймасынан су көп мөлшерде ағып кетуіне байланысты жағдайдың ушығып бара жатқанын хабарлаған болатын.

Осыған байланысты Қостанайдың жағалаудағыаймақтарын, атап айтқанда "Дорожник", "Садовод", "Мичуринец" және "Колесный ряд" бау-бақша қауымдастықтарын су басу қаупі төнді.

"Осы аумақтардың тұрғындары уәкілетті органдардың бірінші талабы бойынша қарт адамдарға, жүріп-тұруы шектеулі адамдар мен балаларға ерекше назар аудара отырып, ұйымдасқан түрде эвакуациялануды бастауы керек. Құжаттар мен қажетті заттарды алдын ала дайындап қойыңыздар.

Сіздерге автобустар беріледі. Олар сіздерді эвакуацияланғандарды қабылдау орындарына жеткізеді. Ол жерде түнеуге және тамақтануға жағдай жасалады", - деп хабарлады Қостанай әкімдігі.

Әкімдік өкілдері эвакуация кезінде тұрғындарды дүрлікпеуге және тәртіп сақшыларының барлық заңды талаптарын және төтенше жағдайларды орындауға шақырды.

Мақаланың түпнұсқасы: https://kaz.nur.kz/accidents/2079914-zagdai-usygyp-barady-qostanaida-totense-zagdai-zariyalandy/

pixel