Есілде су деңгейі көтерілді: Ақмола облысында жолды су шайып кетті, ауыл тұрғындары эвакуацияланды

Ақмола облысында су тасқыны жағдайы күрделеніп барады – су кеше кешкісін жолды, түнде топырақ үйіндісін шайып кетті. Ауылдардың бірінің тұрғындары эвакуацияланып жатыр, деп хабарлайды KAZ.NUR.KZ.

"ҚазАвтоЖолдың" Telegram-дағы арнасында жарияланған мәліметке сәйкес, 14 сәуірде сағат 21:00 Ақмола облысында су деңгейінің көтерілуінен және еріген қар суының салдарынан Көкшетау – Атбасар автомобиль жолының 120-184 километрінің, яғни Максимовка ауылынан Атбасар қаласына учаскесінің жүру бөлігін су алуына байланысты көліктің барлық түрінің қозғалысына шектеу қойылды.

Ал Төтенше жағдайлар министрлігінің Telegram-дағы арнасында жарияланған ақпарат бойынша, Ақмола облысы Жарқайың ауданының Пригородное ауылында Есіл өзеніндегі су деңгейінің көтерілуіне байланысты топырақ үйіндісі шайылды.

ТЖД құтқарушылары 20 адамды, оның ішінде 12 баланы эвакуациялады.