Ақтөбе облысында жеңіл көлік пен жүк көлігі соқтығысып, үш адам қаза тапты
Опубликовано:
Самара – Шымкент тасжолында болған жол апаты салдарынан үш адам қаза тапты. Бұл туралы Ақтөбе облысының полиция департаментіне сілтеме жасаған KAZ.NUR.KZ хабарлайды.
Ведомство өкілдерінің мәліметінше, 9 мамырда Ырғыз ауылының маңындағы Самара–Шымкент автожолында "ВАЗ" автокөлігі мен ілеспе бағытта келе жатқан MAN жүк көлігі соқтығысқан.
"Апат салдарынан жеңіл автокөліктің жүргізушісі мен оның екі жолаушысы қаза тапты", - делінген ведомство хабарламасында.
Қазіргі уақытта жол-көлік оқиғасы фактісі бойынша сотқа дейінгі тергеп-тексеру жүргізілуде.
Полиция департаменті жүргізушілерді жол ережелерін қатаң сақтауға шақырады.
Мақаланың түпнұсқасы: https://kaz.nur.kz/accidents/2098274-aqtobe-oblysynda-zhengil-kolik-pen-zhuk-koligi-soqtygysyp-ush-adam-qaza-tapty/
