Екі жасар бала Каспий теңізіне батып кетті
Опубликовано:
Кеше, 5 маусымда Маңғыстау облысында оқыс оқиға болды – 2022 жылы туған бала Каспий теңізіне батып кетті, деп хабарлайды Төтенше жағдайлар министрлігіне сілтеме жасаған KAZ.NUR.KZ.
Министрліктің Telegram-дағы ресми арнасында жарияланған ақпарат бойынша, бұл жағдай Құрық ауылынан бес шақырым жерде шомылуға арналмаған жерде болған.
"Оқыс жағдайдың себебі – жүріс-тұрыс ережелерінің талаптары мен нормаларының бұзылуы. Оқиғаның мән-жайын жедел-тергеу тобы анықтап жатыр", - деп хабарлады ведомство өкілі.
Құтқарушылар қазақстандықтарды судағы қауіпсіздік ережелерін сақтауға және балаларды қараусыз қалдырмауға шақырды.
Бұған дейін мамырдың басында Шығыс Қазақстан облысы Ұлан ауданындағы Садыркөл көлінде қайғылы жағдай болғанын жазған едік. Ата-анасының қарауынсыз қалған екі жасар бала суға батып кеткен.
Мақаланың түпнұсқасы: https://kaz.nur.kz/accidents/2113011-eki-zhasar-bala-kaspii-tengizine-batyp-ketti/
