Оралда мал соятын орында газ баллоны жарылды: нақты қанша адам зардап шеккені белгілі болды

Оралда мал союға арналған орында газ баллоны жарылған болатын. ТЖМ мәліметінше, салдарынан 10 адам зардап шеккен. Бұл туралы ведомство Telegram-дағы арнасында хабарлады.

"Нақтыланған ақпарат бойынша, газ баллонының жарылуы салдарынан 10 адам, оның ішінде екі жасөспірім зардап шекті", - делінген ТЖМ ақпаратында.

Дәрігерлердің қараунан кейін екі азамат үйлеріне жіберілген. Ал қалғандары дәрігерлердің бақылауында.

Еске сала кетсек, бүгін, 16 маусымда Оралда мал союға арналған орында газ баллоны жарылған еді. Төтенше жағдай жергілікті базарлардың бірінде болған.

Мәтіннен қате тапсаңыз, бізге жазыңыз