Астанада төрт жасар бала төртінші қабаттан құлап кетті

Астанада төрт жасар бала төртінші қабаттың терезесінен құлап, ауруханаға жеткізілді. Бұл туралы Төтенше жағдайлар министрлігінің баспасөз қызметіне сілтеме жасаған KAZ.NUR.KZ хабарлайды.

Баспасөз қызметінің хабарлауынша, оқиға 4 тамызда Астанадағы Сарыарқа ауданында болған.

Дәрігерлер баланың өмірі үшін күресуде.

Төтенше жағдай министрлігі келесі нұсқаулықтарды ескеруді сұрайды:

* бөлмеден шыққанда, терезені ашық қалдырмаңыз;

* терезелерге блокаторларды орнатыңыз;

* терезелердің жанына дивандар мен орындықтарды қоймаңыз;

* москит торлары баланы құлап кетуден сақтамайды.

Еске салсақ, 16 шілдеде Ақмола облысында алты жасар бала төртінші қабаттың терезесінен құлап кетті. Зардап шегуші ауруханаға жатқызылды.

Ведомствоның Telegram-дағы ресми арнасында жарияланған мәлімет бойынша, оқиға көпқабатты тұрғын үй аумағында болған.

Мәтіннен қате тапсаңыз, бізге жазыңыз