Алматы облысында жоғалып кеткен ер адамның денесі егістік алқабынан табылды
Жарияланған күні:
Алматы облысындағы Алмалыбақ ауылының маңындағы егістік алқабынан бірнеше күн бұрын жоғалып кеткен ер адамның денесі табылды. Бұл туралы "Астана" телеарнасы хабарлайды.
Алматы облысындағы Алмалыбақ ауылының маңындағы егістік алқаптан 51 жастағы ер адамның денесі зорлық-зомбылық белгілерімен табылды. Марқұм 2 қарашада із-түссіз жоғалып кеткен.
Телеарна ақпаратынша, ол Алматыдағы ломбардтардың бірінде бағалаушы болып жұмыс істеген. Полиция департаменті адам өлтіру фактісі бойынша тергеуді бастады. Күдіктілер ұсталған.
"Жедел-іздестіру іс-шараларының барысында 9 қарашада криминалдық полиция қызметкерлері төрт күдіктіні ұстап, уақытша ұстау изоляторына қамауға алды. Қазіргі уақытта қылмыстың барлық жағдайлары мен себептерін объективті зерттеуге бағытталған қажетті тергеу әрекеттері жүргізілуде", - дейді Алматы облысы ПД бөлім басшысы Ернар Сайділдин.
Мақаланың түпнұсқасы: https://kaz.nur.kz/accidents/2186063-almaty-oblysynda-zhogalyp-ketken-er-adamnyng-denesi-egistik-alqabynan-tabyldy/
