Павлодарда лифт шахтасында өрт шығып, 11 адам эвакуацияланды

Павлодар қаласында ТЖМ құтқарушылары он қабатты тұрғын үйдің лифт шахтасындағы түтінді аймақтан 11 адамды эвакуациялады. Бұл туралы KAZ.NUR.KZ ТЖМ-ге сілтеме жасап хабарлайды.

Павлодар қаласы Малайсары батыр көшесі бойындағы он қабатты тұрғын үйдің лифт шахтасында қоқыс өртенген.

ТЖМ қызметкерлері түтін аймағынан баспалдақ маршымен 11 адамды, оның ішінде 3 баланы эвакуациялады.

"Жану жедел түрде шағын ауданда сөндірілді. Зардап шеккендер жоқ", - делінген хабарламада.

Айта кетейік, Павлодарда дүкендегі телевизор өртеніп, 15 адам эвакуацияланған болатын.

Балқаш көлінің ортасында сынық қайықта қалып қойған балықшылар құтқарылды.

Сондай-ақ 14 қарашада Жетісу облысында түн ортасында төрт адам құтқарылғанын жаздық.