Алматыда жаяу жүргіншіні көлік қағып, қаза тапты (видео)

Алматының Алатау ауданында Рысқұлов даңғылы бойында жаяу жүргіншіні көлік қағып, қайғылы оқиға болды. Бұл туралы KAZ.NUR.KZ хабарлайды.

Almatylive_kz Telegram арнасында оқиға орнынан түсірілген бейнежазба жарияланды. Оны оқиға куәгерлері түсіріп алған.

Кадрларда патрульдік полиция қызметкерлері жиналғанын көруге болады және асфальтта қан іздері байқалады.

NUR.KZ тілшісі түсініктеме алу үшін Алматы полиция департаментінің баспасөз қызметіне хабарласты. Олар жол апатының Алматының Алатау ауданында болғанын хабарлады.

"Nissan автокөлігінің жүргізушісі Рысқұлов даңғылымен шығыс бағытта қозғалып келе жатқан кезде, белгіленбеген жерден жолды кесіп өтпек болған жаяу жүргіншіні қағып кеткен. Өкінішке қарай, жаяу жүргінші оқиға орнында көз жұмды", - деп хабарлады жол полициясының баспасөз қызметі.

Қайғылы жағдайға қатысты Алматы полиция департаменті қылмыстық іс қозғағанын хабарлады.


"Жол-көлік оқиғасының нәтижесінде адам өлімі тіркелді. Бұл дерек бойынша ҚР Қылмыстық кодексінің тиісті бабы бойынша тергеу басталды," – деп мәлімдеді департаменттің баспасөз қызметі.

Полиция тұрғындарға жол қозғалысы ережелерін қатаң сақтау қажеттігін еске салады. Жаяу жүргіншілерден тек белгіленген өткелдерден өту сұралады.