Қостанайда такси жүргізушісі мен досының жолаушыға шабуыл жасаған сәті видеоға түсіп қалды

Қостанайда такси жүргізушісі мен досы жолаушыға шабуыл жасады. Болған жағдай бейнебақылау камерасына түсіп қалған, деп хабарлайды KAZ.NUR.KZ ІІМ-нің Polisia.kz ақпараттық медиа-порталына сілтеме жасап.

Басылымның хабарлауынша, оқиға түнде қаланың шағын аудандарының бірінде болды. Екі бейтаныс жігіт жолаушыға зорлық-зомбылық көрсетіп, 650 мың теңге тұратын телефонды ашық түрде ұрлап кеткен деген күдікке ілінді.

Белгілі болғандай, ойын-сауық мекемесінде демалып жүрген жәбірленуші таксиге қоңырау шалған. Жүргізуші досымен бірге келіп, сапар барысында жолаушылар арасында жанжал болған. Нәтижесінде такси жүргізушісі мен оның досы жәбірленушіні ұрып-соғып, смартфонды қолды қылған.

Жедел-іздестіру іс-шаралары барысында полиция қызметкерлері күдікті 19 және 22 жастағы екі жергілікті тұрғынды анықтады. Олар ұрланған телефонды қосалқы бөлшектерге бөліп, 100 мың теңгеге сатып жіберді деп айыпталып отыр. Тонау дерегі бойынша сотқа дейінгі тергеу жүргізіліп жатыр, сондай-ақ олардың басқа да қылмыстарға қатысы бар-жоғы тексеріледі.

Мәтіннен қате тапсаңыз, бізге жазыңыз